АҚШ Израильге THAAD зымыран қорғаныс жүйесін жеткізбек

 Америка Құрама Штаттары Израильге СААД зымыран қорғаныс жүйесін және оны басқару үшін жүз әскери қызметкерін жібермек. СААД кең аумақты қорғай алады. 150-200 шақырым қашықтағы нысандарды жоюға қабілетті. Бұл жүйені Израильге жіберу туралы шешім Иранның екі апта бұрынғы баллистикалық зымыран шабуылдарынан кейін жасалып отыр.

Бірақ сарапшылар бұл қадам Таяу Шығыстағы шиеленісті одан әрі өршітіп жіберуі мүмкін деп отыр. Иран мен Израиль арасында кең көлемді соғыс оты тұтанса, өңірдегі өзге елдердің де оған еріксіз араласуына әкелуі ықтимал.

Жалғас Сәдібекұлы