Азаматтық алудың жаңа тәртібі енгізілді

Мемлекеттік тіл мен Қазақстан тарихын білмейтіндер Қазақстан азаматтығын ала алмайды және қалпына келтіре алмайды. Президент қол қойған заңның аясында арнайы ереже бекітілді. Қазанның 12-нен бастап күшіне енген құжатқа сәйкес, азаматтық алу немесе қалпына келтіру үшін мемлекеттік тілді білудің бастапқы деңгейі бойынша кем дегенде 36 балл, Қазақстан Республикасы Конституциясының негіздері бойынша 9 балл және Қазақстан тарихы бойынша кем дегенде 15 балл жинау қажет. Бұл талаптар Қазақстан азаматтығын алғысы келетін шетелдіктерге арналған.

Асылбек Данияр