2026 жылғы «Болашақтың ойындары» Қазақстанда өтеді

2026 жылғы «Болашақтың ойындары» Қазақстанда өтеді. Еліміз дәстүрлі спорт түрлері мен киберспортты біріктіретін бірегей турнир өткізу мүмкіндігіне ие болды.

Бұл турнирді өткізу құқығына Қазақстаннан бөлек, Перу мен Чили мемлекеттері үміткер болған еді. Қатысушылар жарыста физикалық және цифрлық форматтарды біріктіретін бағдарламаларда сынға түседі.

«Болашақтың ойындарын» Қазақстанда өткізу бастамасын Президент Қасым-Жомарт Тоқаев 2024 жылы Қазан қаласында өткен алғашқы ойындардың ашылу салтанатында ұсынған еді. Келесі жылғы турнир БАӘ-де, ал 2026 жылы Астанада өтетін болып бекітілді.

Самал Қабышева