Алматыда «Тұлғалардың ізімен» көрмесі ашылды

Алматыда Республика күніне орай «Тұлғарлардың ізімен» атты жас суретшілер көрмесі ашылды. ((КСМ:)) Шараны Темірбек Жүргенов атындағы қазақ ұлттық өнер академиясы ұйымдастырды. Көрмеге бейнелеу өнерінің сан түріне негізделген 50-ден аса жұмыс қойылды.

Туындының авторлары – студенттер. Мұндағы әр суреттен халықтың мәдениеті, өмірі мен келбеті көрінеді. Мәселен, мына жұмыстың аты – «Құрбылар». Жас суретші Аяжан Мәди өзінің студенттік шақтағы достарын бейнелеген. Кенепке майлы бояумен түскен экспозицияда шығармашылық еркіндік пен ізденіс көрініс тапқан..

Арман Жүдебаев, Т.Жүргенов атындағы ҚАЗҰӨА Ректоры:

Жыл сайын осы көрмені ұйымдастыруға бел буып отырмыз. Осы музейде үлкен зал бар. Бізде өте көп жұмыстар бар. Соны келесі жылдан бастап көбейтіп, халықтың назарына жеткізетін боламыз. Осында халықаралық және республикалық конкурстардың лауреаттары біздің жұмыстары іріктелді. Бәсекеге қабілетті болуы керек қой.