Талғар қаласында көз жұмған жасөспірімнің үйін белгісіз біреулер өртеп жіберген

Алматы облысы Талғар қаласында көз жұмған жасөспірімнің үйін белгісіз біреулер өртеп жіберген. Облыстық полиция департаменті біреудің мүлкін қасақана жою дерегімен қылмыстық іс қозғады. Ішкі Істер министрінің бірінші орынбасары Бауыржан Әленов оқиға орнына барды.

Бауыржан Әленов - ҚР Ішкі істер министрінің бірінші орынбасары:

Ішкі істер министрінің тапсырмасы бойынша мен оқиға орнына келдім. Жедел-тергеу тобы құрылды. Менімен бірге Ішкі істер министрлігінің өкілдері қызмет атқаруда. Бейнежазбалар тексеріліп, куәгерлерді анықтау жұмыстары жүргізіліп жатыр. Қылмыскерлер ұсталып, жауапқа тартылатын болады. Қылмыстық іс министрдің ерекше бақылауында.