Басты Жаңалықтар Қостанай облысында үй өртеніп, бес бала қаза тапты

Қостанай облысында үй өртеніп, бес бала қаза тапты

11.10.2024 20:12

Қостанай облысындағы Жітіқара кентінде жер үй өртеніп, бес бала қаза тапты. Бесеуі де кәмелет жасына толмаған. Қызыл жалынның құрбаны болған баланың ең кішісі - бір жаста ғана. Өрт кезінде үйде балалар ғана болған. Үйдің 13 жастағы үлкені ғана аман қалған. Баспана таңға жуық отқа оранған. Анасы танысына кеткен, ал әкелері түрмеде екен.

Болжам бойынша, өрттің шығуына пештегі отты қараусыз қалдыру себеп болған. Қылмыстық іс қозғалды. Тергеу барысын елдің Бас прокуроры бақылауына алды.

Сонымен қатар, Бала құқықтары жөніндегі уәкіл Динара Зәкиева , өрттен қаза тапқан балалардың ата-анасы мен жақындарына көңіл айтты. Сондай-ақ, оларға психологиялық көмек көрсетіліп жатқанын әлеуметтік желідегі парақшасына жазды. Өңірлік уәкілдің оқиға орнында екенін жеткізді.

Самал Қабышева

Автор

Самал Қабышева

Бөлісу