Ақтаудағы жылу желілерін жаңартуға 5 млрд теңге бөлінді

Ақтау қаласының магистральді жылу желілерін реконструкциялауға 5 млрд теңге бөлінді. Тиісті қаулыға Премьер-Министр қол қойған. Айта кетейік, Ақтау қаласының жылу желілері 60 жылда алғаш рет жаңартыла бастады. Мердігер компанияның қаражаты есебінен шамамен 11 шақырымнан аса жаңа құбыр жүргізілді. Жалпы жоба 4 кезеңге бөлінген. Оның аясында 2026-шы жылға дейін тозу деңгейі 75% асатын 44 шақырым магистральді жылу құбырын кезең-кезеңімен ауыстыру көзделген.

Бердібек Қартбаев, Маңғыстау облыстық энергетика және тұрғын үй коммуналдық шаруашылығы басқармасының басшысы:

Қазіргі таңда 11,5 шақырым құбырға қатысты толықтай жұмыстар аяқталды. Кейбір компенсаторлар дейді, бір екі-үш компенсатор қалып тұр қазір. Жалпы біздің жоспарға сәйкес, осы айдың 12-не мына технологиялық часті былай айтқанда құбырларды толықтай сумен сынақтан өткізуге, жылу беруге толықтай дайын болады.

Аягөз Оралбайқызы