Ұлттық ат спорты түрлерінен фестиваль өтеді

20 млн теңге. Бұл – Астанада өтетін бәйге сайысының жалпы жүлде қоры. Жарыс ұлттық ат спорты түрлерінен фестиваль аясында ұйымдастырылады. Сондай-ақ көкпардан солтүстік аймақтың тума шабандоздарына арналған турнир ұйымдастырылады. Оның жалпы жүлде қоры – 12 млн теңге. Сайыстар қазанның 11-і мен 12-сі күндері Астана маңындағы «Қазанат» атшабарында өтеді. Іріктеу кезеңдері 11 қазан күні таңғы 9-да басталып, кешкі 5-те аяқталады. Финалдық ойындар 12 қазан күні 09:00-де басталады. Кіру тегін. Іс-шара Республика күні және Қазақстан мәслихаттарының 30 жылдық мерейтойына орайластырылған.

Қаракөз Тұрмағамбет