Шымкентте бозбала қарумен қорқытқан тонаушыны ұстады

Шымкентте 18 жасар бозбала қарумен қорқытып, ақша бопсаламақ болған азаматты құрықтады. Бетіне медициналық маска таққан тонаушы Тұрар Рысқұлов көшесі бойындағы ломбардқа тапаншаға ұқсас қарумен кіріп келген. Сөйтіп олардан 100 мың теңге ақша талап етеді. Осы сәтте қарулы азаматпен қатар тұрған бозбала оны күшпен тоқтатып, полиция келгенше ұстап тұрған. Шымкент қалалық полиция департаменті осы оқиғада батылдық танытқан 18 жастағы азаматты Алғыс хатпен марапаттады.

Ғани Қалмаханов