Жаңалықтарды Telegram арнамыздан оқыңыз!Талдықорғанда «Бикен-ІІ» атты халықаралық театр фестивалі шымылдығын ашты. Шараға Түркия, Грузия, Қырғыз елдері мен отандық театр ұжымдары қатысып, бірнеше күн бойы өзара тәжірибе алмасып қана қоймай жетісулықтарды түрлі қойылымдарымен қуантпақ. Екінші жыл қатарынан өтіп жатқан өнер додасы шығармашылық ұжымдар арасында кәсіби қарым-қатынас орнатып, отандық театрларды халықаралық деңгейге көтеруді көздейді. Сондай-ақ фестиваль жас режиссер, актер, драматургтер мен суретшілердің жаңа буынын анықтау және қолдауды мақсат етіп отыр.
Тұңғышбай Жаманқұлов, сыншылар алқасының төрағасы:
Өнер жарысының жөні бөлек. Әр өнердің өзінің бөлек алатын күші бар. Шаба алатын қарымы бар. Оны әрқайсысын жеке-жеке қарау керек. Сондықтан бұл жерде бәлендей деген мәре сен мынаған жет деп айтатындай емес. Керісінше айтатын тақырыбын, ойнаған рөлдерін, актерлардың биіктігін, шеберлігін теориялық түрде талдау үшін келіп отырмыз.
Қуаныш Қанатұлы
