Жаңалықтарды Telegram арнамыздан оқыңыз!Халықаралық ұйымдардың миссия мүшелері де, Қазақстанда атом электр станциясын салу мәселесі бойынша референдумды бақылау барысында атқарған жұмыстарын қорытындылады. Шанхай ынтымақтастық ұйымының 13 өкілі мониторинг жұмыстарын жүргізген. Олар дауыс беру үшін барлық жағдай жасалғанын жеткізді. Ал Түркі мемлекеттері ұйымынан келген байқаушылар 24 учаскеде бақылау жүргізіп, дауыс берушілердің құқықтары толығымен сақталғанын атап өтті.
Олег Копылов, ШЫҰ байқаушылары миссиясының басшысы:
Миссия Қазақстанда АЭС салу мәселесі бойынша республикалық референдум қолданыстағы заңнамаға және Қазақстан Республикасы қабылдаған халықаралық міндеттемелерге сәйкес өткізілгенін мәлімдейді. Референдум ашық, еркін және заңды деп танылды. Референдум Қазақстан Республикасында демократиялық процестерді одан әрі дамыту жолында маңызды қадам.
Сади Джафаров, Түркі мемлекеттері ұйымының миссия басшысы:
Түркі мемлекеттері ұйымының байқау миссиясы референдумның Қазақстан заңнамасына және халықаралық стандарттарға cай ашық өткенін растайды. Бұл референдум – стратегиялық мәселелер бойынша қоғаммен үздіксіз диалогты сақтауға деген ұмтылысын көрсететін маңызды оқиға. Миссия қазақстандықтарды сәтті өтуімен құттықтайды.
Темірлан Нұрсолтан
