Жаңалықтарды Telegram арнамыздан оқыңыз!АҚШ-та уақыт айырмашылығына байланысты дауыс учаскелері енді ашылып Қазақстан азаматтары таңдауын жасай бастады. Қазір бізбен ел астанасы Вашингтоннан меншікті тілшіміз Жалғас Сәдібекұлы байланыста.
Жалғас Сәдібекұлы, тілші:
Вашингтонда қазір сағат таңғы тоғыз. Себебі, Астана тоғыз сағат алда. Яғни біз тұрған Қазақстан елшілігіндегі дауыс беру учаскесінің ашылғанына тура екі сағат болды. Демалыс күніне қарамай, таңмен таласа келіп дауыс беріп жатқандар бар. Вашингтонмен қатар қазақтар көп шоғырланған Нью-Йоркта да дауыс беру учаскесі ашылды. Жалпы, АҚШ-та үш дауыс беру учаскесі бар.
Сан-Франсиско қаласында орналасқан үшінші учаске Қазақстандағы дауыс беру тоқтайтын кезде яғни, Астана уақытымен кешкі сегізде ашылады. Себебі, Қазақстанмен арада туралы 12 сағат айырмашылық бар. Соған сай әлем бойынша ең соңғы болып АҚШ-тағы осы учаске жабылады. Жалпы ұзын саны 400-дей адам дауыс беруі мүмкін. Оның ішінде осы елде уақытша тұрып жатқандар, жұмыс бабымен келген азаматтар, білім қуып жүрген студенттер және елшілік қызметкерлері бар.
