Қоғам қайраткері: Маңызды мәселелерді халық дауысы арқылы шешу оң үрдіс

Референдум - демократияның озық көрінісі. «Мемлекеттік маңызды мәселені халықтың көзқарасы арқылы шешу - еліміз үшін оң үрдіс», дейді мемлекет және қоғам қайраткері Мұрат Бақтиярұлы.

Экс-сенатор Қызылорда қаласындағы №5 референдум учаскесіне келіп, өз таңдауын жасады. Үкіметтің халықпен санасып, көптің үніне құлақ асуы мемлекетте ашықтық пен жариялылық болуының көрінісі, деп есептейді ол.

Мұрат Бақтиярұлы, мемлекет және қоғам қайраткері:

Бұл демократияның бір жақсы үрдісі деп есептеуге болады. Ешкім қазір мынаған дауыс бер, мындай қыл деп ешкім айтып жатқан жоқ. Сондықтан, бұл бейбіт түрде, жақсы түрде өтіп жатқан дүние. Халықтың пікірі арқылы, халықтың дауысы арқылы мемлекеттік мәселелерді шешіп отыратын үрдістерді меніңше жалғастыра берген дұрыс деп есептеймін.

Әділбек Серікұлы