Түркістан облысында жас жұбайлар өз таңдауларын жасады

Түркістан облысының Кентау қаласында жаңадан отау құрған ерлі-зайыптылар дауыс беруге келді. Оларды ауылдың әжелері референдум учаскесінің алдында қарсы алып, тәттіден шашу шашты.

Нұрдәулет Мұхаммед пен Нұрсәуле Амангелдиева 19 жаста. Екеуі де Байылдыр ауылының тұрғындары. Жас жұбайлар ауыл орталығындағы №48-ші референдум учаскесіне келіп өз таңдауларын жасады. Дауыс беруге келген ерлі-зайыптыларға учаске комиссиясының төрайымы арнайы сыйлықтарын табыстап, бақыт тіледі. Еліміздегі мұндай шараға қатысып, таңдау жасау біз үшін де маңызды, дейді Нұрдәулет Мұхаммед.

Нұрдәулет Мұхаммед, Байылдыр ауылының тұрғыны:

Біздің отбасы құрғанымызға бір күн болды. Референдумға келіп, өз даусымызды бердік. Енді біз отбасы болғаннан кейін Қазақстанның саясаты өте маңыздырақ,

Айнұр Ақбаева