Жаңалықтарды Telegram арнамыздан оқыңыз!
Ресейдегі отандастарымыз да дауыс беруге қатысып жатыр. Қазақстан елшілігінде, бізбен тікелей байланысқа Мәскеудегі № 397 дауыс беру учаскесінен тілшіміз Индира Бегайдар шығып тұр.
Индира Бегайдар, тілші:
№ 397 дауыс беру учаскесі Мәскеудегі Қазақстанның елшілігінде орналасқан. Таңғы жетіде ашылды. Сол уақыттан бері келіп, өз таңдауын жасап жатқан отандастар көп. Мұнда ыстық бауырсақтан, тәттіден дәм татуға болады. Ал учаске жұмысы барлық талапқа сай ұйымдастырылған. Мүмкіндігі шектеулі азаматтарға да бар жағдай жасалған. Тіпті отбасымен келіп, дауыс беріп жатқандар да бар.
Мәскеуден бөлек, Қазан, Санкт-Петербург, Омбы және Астрахань қалаларында да дауыс беру учаскелері ашылды. Бұл өңірлерде Қазақстанның бас консулдықтары жұмыс істейді. Көрші елдегі дауыс беру туралы қосымша ақпаратты алдағы хабарларымызда баяндаймыз.
Индира Бегайдар
