Әнші Бибігүл Төлегенова дауыс берді

«Референдум – ел үшін маңызды саяси науқан. Әр адамның атсалысқаны, әр қазақстандықтың дауысы маңызды». Аты аңызға айналған әнші, Қазақстанның еңбек ері, Мемлекеттік сыйлықтың иегері Бибігүл Төлегенова осылай дейді.

Өнер майталманы бүгін өз үйінде таңдауын жасады. №559 сайлау учаскесінің өкілдері, Бибігүл Ахметқызына бюллетеньге арналған дауыс беру жәшігін ұсынды. Сондай-ақ саяси науқанға атсалысқаны үшін танымал әншіге гүл шоқтарын ұсынып, құрмет көрсетті.

Бибігүл Төлегенова, әнші, Қазақстанның Еңбек ері:

Бүгін біз үшін жауапты күн. Қай уақытта да біздің Қазақстан алда болады деп кәміл сенемін. Өйткені, әр адам өз елінің патриоты ғой. Бүгін, мен ойлаймын, әрқайсысымыз өз таңдауымызды айтамыз. Бүгінгі мына таңдаудан барлық дүние алдымызға қойған мақсаттарымыз табысты әрі абыройлы орындалады.

Мейрамбек Таубалды