Жаңалықтарды Telegram арнамыздан оқыңыз!Мемлекет басшысының логистикалық хаб құру туралы тапсырмасына сәйкес Шымкентте металл бұйымдарын өңдейтін жаңа өндірістік аймақ жасақталуда. Мұнда негізінен металл бұйымдарын өңдейтін кәсіпорындар іске қосылмақ. Өндірістік алаң үшін қала аумағынан 1 мың гектар жер бөлініп отыр. Қазір жобалар пулы жасақталып инвесторлардың ұсыныстары іріктеліп жатыр. Жаңа өндіріс алаңынан кәсіпорын ашуға әсіресе Қытай және Өзбек кәсіпкерлері тарапынан қызығушылық жоғары.
Үсен Исаев, қалалық кәсіпкерлік және иид басқармасы басшысының орынбасары:
Индустриалды аймақ 99 пайызға толыққан. Қазір жерді жобалау жұмыстары аяқталған соң мемлекет тарапынан толық қажетті инфрақұрылыммен қамтамасыз етілетін болады. Жобалардың пулы жасақталуда. Оны біз сала-салаға іріктейміз. Мысалыға темір металлургиясымен айналысатын жобалар болса сол жақа бағыттаймыз.
Ғани Қалмаханов
