Алматыда дирижерлар шеруі өтті

Алматыда дирижерлар шеруі өтті. Шара Құрманғазы атындағы Қазақ ұлттық халық аспаптар оркестрінің құрылғанына 90 жыл толуына орай ұйымдастырылған.

Концертте Өзбекстан мен Қырғызстанның халық әртістері және елімізге белгілі өнер қайраткерлері сахнада өнер көрсетті. Шара аясында келушілерге оркестрдің қалыптасу кезеңінен мағлұмат беретін құнды жәдігерлер топтамасы көрсетілді. Шығармашылық ұжым биыл мерейтойға орай алыс-жақын шетелдер мен еліміздің барлық өңірін гастрольдік сапармен аралауды жоспарлап отыр.

Алтынбек Ахметов, Құрманғазы атындағы Қазақ ұлттық халық аспаптар оркестрі директорының орынбасары:

Ертең оркестр Түркменстанға жол жүріп жатыр. Түркменстандағы Қазақстан күндерін атап өтпекші. Соған оркестріміздің жеке де концертін Ашхабад қаласында бергелі отыр. Және алда болашақта Қазақстанның да ішінде гастрольдік сапарларымыз бар. Болашақтағы концерттеріміздің барлығы 90 жылдық мерейтой аясында өтпек.

Қуан Нұрақын