Талдықорғанда «Елге арнау» халықаралық байқауы басталды

Талдықорғанда елге еңбегі сіңген қайраткер, композитор Әли Алпысбаевтың шығармашылығына арналған «Елге арнау» атты вокалистер мен жеке аспапта орындаушылардың І халықаралық байқауы өтіп жатыр.

Қазақстан композиторлар одағының 85 жылдығына орайластырылған шығармашылық додаға Қырғызстан, Өзбекстан және еліміздің әр аймағынан 30-дан астам өнерпаз қатысуда. Олар Әли Алпысбаевтың екі шығармасын орындап сынға түседі. Әншілер мен музыканттардың кәсіби деңгейін бағалауға халық әртісі Нұржамал Үсенбаева бастаған қазылар алқасы келді.

Нұржамал Үсенбаева, Қазақстанның Халық артисі:

Қазіргі жастар, қазіргі музыканттар өте талантты, өте дарынды. Енді байқау басталды ғой. Тыңдап жатырмыз. Керемет. Қазылар алқасына қиын болады. Музыканттар керемет мықты. Домбырашы болсын, қобызшы болсын, виолончель қатысып отыр. Бас қобыз да қатысып отыр. Көреміз енді.

Қуаныш Қанатұлы