Мопедтерді тіркеу және оны басқаратындарға жүргізуші куәлігін алу міндеттелді

Енді мопедтерді тіркеу және оны басқаратындарға жүргізуші куәлігін алу міндеттелді. Бүгін Президент жол қауіпсіздігін цифрландыруға қатысты заңға қол қойды. Нақтылап кетейік, 16 жасқа толғандарға ғана мопед басқару құқығы беріледі.

Сонымен қатар мопедтерді де міндетті түрде техникалық байқаудан өткізу қажет. Бұған дейін Ішкі істер министрлігі маңызды құжат күшіне енген сәттен бастап мопед жүргізушілеріне тіркелуге 6 ай уақыт берілетінін айтқан.