Жоғарғы сот электрондық білезікті қолдану аясын кеңейтуді ұсынады

Электрондық білезікті қолдану аясын кеңейту бюджет қаражатын үнемдеуге мүмкіндік береді. Жоғарғы сот төрағасы Асламбек Мерғалиев арнамызға берген сұхбатында осылай деп мәлімдеді.

Айтуынша, елімізде жылына ісі сотта қаралып жатқан 11 мыңға жуық азаматқа алдын ала қамау санкциясы қолданылады. Әдетте соның 3/2-не бас бостандығынан айыру жазасы кесіледі. Ал үштен бірі босатылады немесе баламалы жаза түрлері тағайындалады. Демек, алдын ала қамауда отырған кездегі қызметтерге бюджеттен ақша бөлінеді. Оның орнына апелляциялық сатыда электрондық білезікпен бостандығына шектеу енгізу мүмкіндігін қарастырған әлдеқайда тиімді, дейді Жоғарғы сот төрағасы.

Асламбек Мерғалиев, ҚР Жоғарғы сотының төрағасы:

Егерде бізге қорғаушылар адвокаттар сол білезікті әкеліп, апелляциялық алқада ұсынып жатса, біз осы білезікті ішкі істер органдарында тіркедік, бұл ешқайда қашып кетпейді, мына білезіктің несімен болады десе, біз оны өзгертуге біз дайынбыз, бірақ өкінішке орай олардың қазір саны жетіспей жатыр.

Қаракөз Тұрмағанбет