Жаңалықтарды Telegram арнамыздан оқыңыз!Енді ауыл кәсіпкерлері «Ауыл аманаты» бағдарламасына өтінімдерді электрондық форматта бере алады. Қазірде министрлік дайындаған ақпараттық жүйе арқылы мыңнан астам өтінім түсіп, оның 384-і мақұлданған.
Айта кетейік, ауылдағы бизнес салаларын дамытуға төмен мөлшерлемемен 5 жылға дейін, ал мал шаруашылығындағы жобалар үшін 7 жылға дейін несие беріледі. Бұл бағдарлама елдімекен тұрғындарының кірісін арттыруға бағытталған.
Бағлан Бекбауов, ҚР Ауыл шаруашылығы министрінің орынбасары:
Бұл бағдарлама төңірегінде пайыздық мөлшерлеме 2,5%-дан аспайды. Несие мерзімі – 5 жылға дейін беріледі, ал мал шаруашылығы саласындағы жобалар болса – 7 жылға дейін. Несие сомасы жеке кәсіпкерлер үшін 9 миллионнан сәл асады. Ал, егер де шаруашылықтар бір кооперативке ұйымдастырылып, бірігіп жұмыс істейміз десе, онда несие сомасы 29,5 млн-ға дейін жетеді.
Темірлан Нұрсолтанов
