Жаңалықтарды Telegram арнамыздан оқыңыз!Жыл соңына дейін 1 млн гектар жер мемлекетке қайтарылады. Бұл туралы Бас прокуратура хабарлады. Мемлекет меншегіне өтуі тиіс учаскелердің көбі кезінде заңсыз берілген немесе пайдаланылмай бос жатқан. Оның дені - Ақмола, Ақтөбе, Атырау, Қостанай, Маңғыстау, Павлодар облыстарына тиесілі жер телімдері. Жалпы соңғы 4 жылда мемлекетке 17 миллион гектар жер қайтарылған. Соның есебінен жайылым тапшылығы 29 миллион гектардан 8 миллион гектарға дейін, яғни 4 есе қысқарды. Жерге үлесі бар 11 мың адамның құқығы қорғалды.
Айя Мүтәлі
