Жаңалықтарды Telegram арнамыздан оқыңыз!Бұрын-соңды болмаған геосаяси тұрақсыздық жағдайында дипломатия шешуші рөлге ие болады. Бұл туралы Президент Қасым-Жомарт Тоқаев «Еуразия кеңістігіндегі орнықты даму және қауіпсіздік» атты конференцияда сөйлеген сөзінде айтты. Президенттің пікірінше Геосаясат пен геоэкономикадағы түбегейлі өзгерістер жағдайында стратегиялық тұрақтылық пен орнықты даму мәселелері баршамыз үшін өзекті бола түсті.
Мемлекет басшысы халықаралық қоғамдастық сындарлы диалогқа тың серпін беруі үшін күн тәртібіне оң өзгеріс жасауы қажет дейді. Сондықтан біртұтас еуразиялық қауіпсіздік идеясы көпполярлы, әділетті және орнықты әлемдік тәртіпті қалыптастыруға тұжырымдамалық негіз бола алады. Сонымен қатар Мемлекет басшысы Қазақстандағы ауқымды өзгерістер жайлы да айтты. Қасым-Жомарт Тоқаевтың пікірінше, саяси реформалардың ең басты жаңалығы – Конституцияда Президент мандатын 7 жылдық бір мерзіммен шектеу туралы ереженің бекітілуі.
Шерхан Жамбылұлы
