Түркістан облысында қарттарға құрмет көрсетілді

Түркістан облысында Қарттар күніне орай аға буын өкілдеріне құрмет көрсетілді. «Қариясы бар үйдің қазынасы бар» атты мерекелік шараға 30-дан астам зейнеткер қатысып, өскелең ұрпақтың өнерін тамашалады. Көпті көрген жандар рухани серпілтіп, керемет көңіл күй сыйлаған жастарға алғыстарын жаудырды. Қазір елімізде 100 жасаған 423 азамат бар. Ал Түркістан облысындағы ең үлкені 110 жаста.

Өтеген Әшенов, зейнеткер:

Осы жерде «Ардагерлер» ұйымы жұмыс істейді. «Ақсақалдар» ұйымы жұмыс істейді. Сонымен бірге «Қоғамдық келісім» жұмыс істейді. Бұл қоғамдық жұмыстардың барлығы еліміздің бірлігін, ынтымағын сақтау үшін үнемі жастарымызға үлгі болып, солар елімізде тек қана бірлік пен ынтымақты сақтап, еліміздің үлгі болатын азаматтарымызға үлгі өнеге, насихат береміз.

Айнұр Әбілқасым