Жаңалықтарды Telegram арнамыздан оқыңыз!Экология қауіпсіздігін қамтамасыз ету үшін жаңа технологияны зерттеп, өндіріске инновация енгізу қажет. Бұл туралы Абай облысында жүрген АЭС салуды қолдау жөніндегі штаб мүшелері айтты. Сенат төрағасы Мәулен Әшімбаев бастаған депутаттар мен сарапшылар өңір жұртшылығына референдумның маңыздылығын жеткізді. Штаб мүшелері ауыл шаруашылық өнімдерін өндірушілер және коммуналдық қызмет саласының мамандарымен кездесті. Олар әсіресе, климаттың өзгеруі мен электр энергия тапшылығы мәселелерін талқылады.
Мәулен Әшімбаев, ҚР Парламенті Сенатының төрағасы:
Президентіміздің шешімін, референдум өткізу туралы бастаманы «Халық үніне құлақ асатын мемлекет» тұжырымының жүзеге асуының нақты нышаны деп ауыз толтырып айта аламыз. Семей өңірі де осы қастерлі мекен, осы бастаманы қолдап, 6-қазан күні өздерінің дауыстарын береді деп сенеміз.
Айя Мүтәлі
