Сарапшы: АЭС қуат көзі тапшылығын жояды

Еліміз атом энергетикасының жаңа кезеңіне дайын. Себебі Қазақстан әлемдегі реакторлардың 40% уранмен қамтамасыз етіп келеді. Уран өндіру бойынша көш бастап тұр. Осы ретте еліміз өзінің ядролық әлеуетін ішкі қажеттіліктерге бағыттауы керек. Алматыда бас қосқан ғалымдар осындай пікір білдірді. Жер шарындағы халық санының өсуі, экономиканың дамуы энергияға деген сұранысты арттырып отыр. Ал АЭС салу – осы мәселелерді шешудің тиімді әрі тұрақты жолы, - дейді сала маманы Сабыржан Қали.

Сабыржан Қали, М.Тынышбаев атындағы логистика және көлік академиясының оқытушысы:

Күн, су, жел тәуелді. Кейде су болады, күн болмайды дегендей. Олардың КПТ дейді ғой, коэффициенті аз. Ал бізге қалыпты энергия беретін технология керек. Ол атом электр стансасы. АЭС салынса, электр энергетика бойынша қауіпсіздікте боламыз.

Айдана Қуантхан