Алматы облысында Бердібек Соқпақбаевтың ескерткіші ашылды

Классик жазушы Бердібек Соқпақбаевтың 100 жылдығына орай, оның туған жері Алматы облысы Райымбек ауданында қаламгерге ескерткіш ашылды. Шараға Парламент Сенатының Төрағасы Мәулен Әшімбаев қатысып, Президенттің құттықтау хатын оқыды. «Жазушының 100 жылдығы ЮНЕСКО-ның атаулы күндері тізбесіне енгізілуі және туған жерінде сәулетті ескерткішінің бой көтеруі – әйгілі сөз зергеріне деген құрметтің белгісі.

Қаламгердің өзіне ғана емес, оның кейіпкеріне ескерткіш орнату – өте сирек кездесетін оқиға. Астана төрінде тұрған Қожаның мүсіні Соқпақбаев шығармашылығының ұлт руханиятында ерекше орын алатынын көрсетеді», – делінген,- Президенттің құттықтауында.

Мәулен Әшімбаев, ҚР Парламенті Сенатының төрағасы:

Бердібек Соқпақбаевтың 100 жылдығы еліміз бойынша жоғары деңгейде аталып өтуде. Бұл атаулы дата өңірлік, мемлекеттік ауқымда ғана емес, Юнеско аясында да кеңінен тойланып жатыр. Бұл жазушының әлемдік деңгейде мойындалуының жарқын көрінісі.