Ауыл тұрғындары алдағы референдумға белсенді қатыспақ

Ауыл тұрғындары алдағы референдумға белсенді қатысып, өз таңдауын жасайды. Бұған Атом электр станциясы жөніндегі Халықтық штаб Қызылордаға барғанда көз жеткізді. Нақтырақ, Сырдария ауданы Ақжарма ауылы және Қазақстан аумағына күріш өсіретін шаруашылықтарымен танымал Нағи Ілиясов атындағы ауыл тұрғындарымен Халықтық штаб мүшелері кездесті. Жиын барысында атом энергетикасын дамытудың заманауи әлемдік трендтері, бейбіт атомды дамыту бағытында жасалып жатқан жұмыс туралы талқыланды. Сондай-ақ алдағы референдумның мән-маңызы баяндалды.

Серік Егізбаев, ҚР Парламенті Мәжілісінің депутаты, «Ауыл» партиясының төрағасы:

Осы референдумның мәнін, мағынасын, не жөнінде сұрақ қойылып жатқаны ерекше. АЭС мәселесі ол тек ғана бүгінгі күнге емес, мыңжылдық ұрпақтарымызға қатысты. Сондықтан біз үлкен түсіндіру жұмыстарын жүргізуіміз керек.