Қарағанды облысында бір күнде 3 тонна қоқыс шығарылды

Қарағанды облысында бір күнде 3 тоннадан астам қоқыс жиналды. «Amanat» партиясының бастамасымен өткен «Таза бейсенбі» акциясына партия өкілдері, мәдениет үйлерінің қызметкерлері және тұрғындар мен студенттерден құралған жүзге жуық ерікті қатысты. Табиғат жанашырлары қала маңы мен көпқабатты тұрғын үйлердің аулаларын қоқыстан тазартты. Апта сайын үздіксіз өтіп келе жатқан акцияға әрбір аудан, ауылдарда да белсенді қатысуда.

Аман Ахметжанов, қала тұрғыны:

Басты мақсатымыз – қаланың тазалығын сақтау. Президентіміздің «Таза Қазақстан» акциясын қолдау. Біз қоршаған ортаны таза ұстауымыз керек. Ол әрбір адамның өзінен, әрі айналасынан басталуы керек.

Жандос Бақытұлы