Қарағанды облысының Қарқаралы ауданында карантин енгізілді

Қарағанды облысы Қарқаралы ауданындағы шаруа қожалық иелерінің ірі қара малы қауіпті дерт жұқтырды. Бүгінде 14 басы жойылды. Індет ошағына карантиндік шаралар енгізілді. Енді ол жерден малдың өнімі мен етін шығаруға тыйым салынады. Қарасан – тек ірі қара малға топырақ арқылы жұғатын бұлшық ет ауруы. Қауіпті індетті алғаш анықтаған шаруа иесі бірден мал дәрігеріне хабар бермегені үшін, әкімшілік жазаға тартылды. Карантин 14 күнге жалғасады.

Ержан Бекетбаев, ҚР АШМ ветеринариялық бақылау комитеті облыстық инспекциясының жетекшісі:

Ауруға қарсы іс-шараларды республикалық отряд жүргізеді. Шаруа қожалықта дезинфекциялық жұмыстар жүреді. Ауруға тән мал жасына байланысты екпелер жасалады. Бүгінде өлім тоқтады деп айтса болады.

Жандос Бақытұлы