Жаңалықтарды Telegram арнамыздан оқыңыз!Ресейде бір аптада коронавирус жұқтырғандардың саны 30 пайызға артты. Жеті күнде 32 мыңнан астам адамнан індет анықталған.
Индира Бегайдар, тілші:
Ресейдің 73 өңірінде індет дес бермей тұр. Мамандардың айтуынша, елде FLIRT деп аталатын коронавирустың мутацияға ұшыраған түрлері кең тарауда. Ал «Бұл вирустар өте жұқпалы», - дейді. Жаңа штамдардың басты белгілері – әлсіздік, жөтел, тамақ пен бұлшық ет ауруы, иіс сезбеу.
Геннадий Онищенко, дәрігер:
KP.3 және LB.1 вирустарына қарсы ағзада иммунитет қалыптаспаған. Сондықтан жұқтыру көрсеткіші жоғары. Алайда осыған дейін екпе алғандар бұл ауруды жеңіл өткізеді.
Бүгінгі күні Ресейде коронавирусқа қарсы оннан астам вакцина шығарылған. Сонымен қатар тұмауға қарсы вакцинациялау қарқынды жүргізілуде. Соңғы уақытта 12 миллионнан астам адам екпе алған. Әзірге елде карантин жариялау жоспарда жоқ, Бірақ дәрігерлер кеңес берсе, вакцинациялау кей жағдайларда міндеттелуі мүмкін дейді мамандар.
