Жаңалықтарды Telegram арнамыздан оқыңыз!Компьютерлік бағдарламалау - адамзат баласының әмбебап тілі. Ол түрлі саланың дамуында маңызды рөл атқарады. Сенат төрағасы Мәулен Әшімбаев Астанада өтіп жатқан 48-ші спорттық бағдарламалаудан әлем чемпионатының ашылу рәсімінде осылай деді. IT саласы Қазақстанда ұлттық деңгейдегі басымдыққа ие. Қазіргі таңда елімізде IT-мамандар даярлауға және бағдарламалау мамандығын оқытатын университеттерді дамытуға айтарлықтай инвестиция салынып, мемлекет тарапынан үлкен қолдау көрсетіліп келеді. Айта кетейік, 15-20 қыркүйек аралығында Астанада өтетін чемпионаттың финалына әлемнің әр түпкірінен 600 бағдарламалаушы қатысып жатыр.
Мәулен Әшімбаев, ҚР Парламенті сенатының төрағасы:
Президентіміз Қасым-Жомарт Кемелұлы Тоқаев цифрландыру, ІТ, жасанды интеллектіні дамыту және инновацияларды енгізу мәселелеріне үнемі баса мән беріп келеді. Қазақстанда стартаптарға қолдау көрсету және озық технологияларды енгізу бағыты да жүйелі жолға қойылған. Елімізде IT-хабтар мен технологиялық орталықтар құрылып жатыр. Осы сайыста Қазақстандағы жетекші техникалық жоғары оқу орындарының бес командасы ел намысын қорғайды.
Оңғар Алпысбай
