Жаңалықтарды Telegram арнамыздан оқыңыз!Мемлекет басшысы Қасым-Жомарт Тоқаев Халық қаһарманы Сәт Тоқпақбаевқа айрықша ерекшелік белгісі – «Алтын жұлдыз» бен «Отан» орденін салтанатты түрде табыстады. Президент Ұлттық қауіпсіздік және қорғаныс саласы ардагерінің еңбек жолы Тәуелсіз Қазақстанның қалыптасуымен тығыз байланысты екенін атап өтті. Халық Қаһарманы өз кезегінде мемлекетіміздің қауіпсіздігі және тыныштығы жолындағы еңбегін бағалағаны үшін Қасым-Жомарт Тоқаевқа алғыс айтты.
Қасым-Жомарт Тоқаев, Қазақстан Республикасының Президенті:
Сіз қастерлі Отанымызға адал қызмет еттіңіз. Енді ғана тәуелсіздік алып, дербес мемлекет болған жылдары аса жауапты міндеттерді атқаруға білек сыбана кірісіп кеттіңіз. Ұлттық қауіпсіздік комитетін абыроймен басқардыңыз.
Cәт Тоқпақбаев, Мемлекет және қоғам қайраткері, генерал-полковник, Ұлттық қауіпсіздік және қорғаныс саласының ардагері:
Тәуелсіздігіміздің баянды болуы мен Отанымыздың қауіпсіздігі және еліміздің тыныштығы жолындағы менің еңбегімді бағалап, «Халық Қаһарманы» атағы және «Отан» орденімен марапаттағаныңыз үшін үлкен алғысымды білдіремін. Еліміздің іші даудан, сырты жаудан аман болсын!
Айя Мүтәлі
