Жолдаудағы бағыттар экономикалық өсімді күшейтеді

«Атом электр станциясын салу – Қазақстандағы электроэнергияға сұранысты қанағаттандырып, елдің көміртектен арылу процесін тездетуге септігін тигізеді». Брюссельдегі «Дипломатиялық әлем» басылымының жоба жетекшісі осылай дейді. Альберто Тюркстраның пайымынша, атом энергетикасын дамыту - елдің жасыл экономикаға көшуіне ықпал етеді. Сарапшы Жолдауда сандық технологияны, жасанды интелектіні дамытуға басымдық берілуі құптарлық дейді. Сондай-ақ шағын және орта кәсіпкерлікті жетілдіру, отандық өнімді қолдау, көлік дәліздерін дамыту – Қазақстанның әл-ауқатын арттырады деген пікірде.

Альберто Тюркстра, «Дипломатиялық әлем» басылымының жоба жетекшісі:

Қазақстан экономикасы соңғы жылдары қарыштап дамыды. Жолдауда Президент «Экономика өскен сайын, әлеуметтік теңсіздік азайып, байлық ел игілігіне жарауы тиіс» деп қадап айтты. Шағын және орта бизнесті дамыту үшін финтех тәсілдерін пайдалану қажет деді. Мемлекеттік қызметті цифрландыруды күшейтуді тапсырды. Бұл – ресурсқа негізделген экономикадан білімге негізделген экономикаға көшуді тездетеді.

Нұрсұлу Қасым