Ерлан Қошанов: АЭС құрылысына қатысты қоғам дұрыс шешім қабылдауы керек

АЭС салуды қолдау жөніндегі Халықтық штаб, «AMANAT» партиясы әйелдер қанатының белсенділерімен кездесті. Жиынды ашқан партия төрағасы әйелдердің құқығын қорғау және отбасы құндылықтарын нығайту Президент пен «AMANAT» партиясының басты назарында екенін айтты. Ерлан Қошановтың сөзінше, соңғы жылдары халық пен бизнес энергия тапшылығын сезіне бастаған. Осыған байланысты Мемлекет басшысы АЭС салу идеясын ұсынды. Қазір Халықтық штаб мүшелері өңірлерді аралап, халықты толғандырған түрлі сұрақтарға жауап беруде. Сөз соңында партия төрағасы АЭС құрылысын қоғам ой таразысынан өткізіп, дұрыс шешім қабылдауы керек екенін атап өтті.