Қытайда келер жылы азаматтардың зейнетке шығу жасы көтерілмек

Қытай үкіметі 1950 жылдардан бері алғаш рет азаматтардың зейнетке шығу жасын біртіндеп көтеретінін жариялады. Қаңтардың 1-і күшіне енетін заңға сәйкес, алдағы 15 жылда қара жұмыста жүрген әйелдер бұрынғыдай 50-де емес, 55 жаста құрметті демалысқа жіберіле бастауы керек. Ал кеңседе еңбек ететін әйелдер 58-де қызметті тоқтатуға міндетті. Ерлердің зейнет жасы 60-тан 63-ке дейін жоғарылатылмақ. Бірқатар сарапшы пікірінше, Қытайдың зейнетақы қоры ортайып барады. Сондықтан көбейіп келе жатқан қарттарды қамтамасыз етуге келешекте қаражат жетпеуі мүмкін.

Арыстан Рысбек