Димаш Құдайбергеннің концертіне арнайы автобустар қатынайды

Астанада өтетін Димаш Құдайбергеннің концертіне арнайы автобустар қатынайды. Қала әкімдігінің хабарлауынша, бұл көрерменнің қауіпсіздігі мен жол кептелісін болдырмау мақсатында қабылданған шара. Арнайы транспорт Салтанат Сарайы, «Әзірет Сұлтан» мешіті және Бас мешіттің жанынан сағат 17:00-ден бастап қатынайды. Ол үшін концерт билетін көрсету қажет. Ал кеш өтетін жерге жеке көлікпен кіруге тыйым салынған. Ұлттық арна бүгін өтетін Димаш Құдайбергеннің концертінен сағат 19:30-да тікелей қосылымға шығады.

Айя Мүтәлі