Үкімет басшысы бизнес өкілдерімен кездесті

Ірі бизнес еліміздің технологиялық және инновациялық дамуында маңызды рөл атқарады, шағын және орта кәсіпкерлікті дамытуға мүмкіндік береді. Бұл туралы Үкімет басшысы бизнес өкілдерімен кездесуінде айтты. Олжас Бектенов, мемлекет инвестициялық тартымдылықты арттыру, еліміздің өнеркәсіптік әлеуетін ашу бойынша ауқымды жұмыстар атқарып жатқанын атап өтті. Жасанды интеллект жүйелерін қолдануды кеңейту және цифрлық технологияларды дамыту мәселелері де қаралды. Бизнес өкілдері энергетика, өңдеу, тау-кен металлургия саласы бойынша өз ұсыныстарын айтып, алдағы атом энергетикасын дамыту жөніндегі бастамаға қолдау білдірді.

Динара Жарқынбек