Жаңалықтарды Telegram арнамыздан оқыңыз!Оқиға орнына құтқарушылармен бірге барған қарапайым жүргізушінің ерлігі ел аузында. Шұңқырға түсіп кеткен сәбиді құтқарған азаматтың батылдығын тұрғындар аңыз қылып айтып жүр. Бұл оқиға Атырау облысының Индербор кентінде болған еді. Қазір балақай дін-аман, ата-анасының қасында.
Мәншүк Битұрар, ауыл тұрғыны:Кішкентайым Ясмин шұңқырға түсіп кетіп, құтқарушыларды шақырдым. Олар тез арада келіп, құтқарып алды. Сол үшін оларға алғысымды айтамын. Көп-көп рахмет.
Иә, ел ішінде талай адамды ажалдан арашалап, ерліктің үлгісін көрсетіп жүрген қарапайым азамат баршылық. Алайда олардың дені назардан тыс қалып жатады. Енді ескерусіз жүргендердің ерлігін паш ететін ерекше жоба қолға алынды. Ұлттық арна ұжымы «Жақсылық жаса» бағдарламасын ұсынады. Тұсаукесері ертең кешкі 21:25-те. Тікелей эфирден тамашалай аласыздар.
Ләйлә Қазиақпар, «Жақсылық жаса» бағдарламасының жүргізушісі:
Ақпарат көп, сәт сайын жаңалық жаңарып отырады. Сондықтан кейбір маңызды деген оқиғалар елеусіз, ескерусіз қалып жатыр. Біздің кейіпкерлеріміздің оқиғалары көрерменді бейжай қалдырмайды. Керісінше шабыттандырады. Қанаттандырады. Сондықтан жұма сайын біздің бағдарламаны көруге шақырамыз.
Динара Жарқынбек
