Жаңалықтарды Telegram арнамыздан оқыңыз!Алыштан белдесулер өтіп жатқан жарыс алаңынан Асылбек Данияр жалғастырсын. Асылбек, спортшыларымыздың нәтижесі қандай?
Асылбек Данияр, тілші:
Қырғыздың ұлттық спорты алыштан белдесулер жалғасып жатыр. Бұл сында 12 спортшымыз күш сынасады. Белдесудің бәрі бүгін аяқталады. Іріктеу және финалдық жекпе-жектердің арасында үзіліс болмайды. Дәл қазір артымдағы үш боз кілемде де ширек (жартылай) финалдың кездесулері өтіп жатыр. Қазақстан сапынан күресіп жатқан палуандарымыздың бәрі жарыста. Әрине, бұл сындағы басты фавориттер қырғыздар. Өйткені жоғарыда айтып кеткендей бұл айыр қалпақты ағайынның ұлттық спорты. Жоспар бойынша финалдық кезең шамамен 16:00-де басталады. Жарыста 35 елдің 192 палуаны кім мықтыны анықтайды. Ерлер мен әйелдер 6 салмақ бойынша күресуде.
Асылбек Данияр
