Жаңалықтарды Telegram арнамыздан оқыңыз!Бұдан соң мемлекет басшысы KIA автомобильдерін шығаратын зауыттың құрылыс алаңына барды. Кәсіпорын былтыр қазан айында салына бастаған. Алғашқы көлік сынақ режимінде келесі жылдың шілдесінде шығарылады, ал қазан айында толық іске қосылады.
Зауыт жылына 70 мыңға жуық автокөлік шығаруға шақталмақ. Кәсіпорында жаңадан 1500 тұрақты жұмыс орны ашылады. Жоба құны – 200 миллион доллар. Оның 80 пайызға жуығы тікелей шетелдік инвестицияның үлесінде.
Ким Де Ки, «Kia Qazaqstan» бас директоры:
Бұл – КИА компаниясы мен қазақстандық компанияның бірлесе салып жатқан зауыты. Бұрын-соңды КИА шет елде өз инвестициясына зауыт салып көрмеген. Демек бұл тек машина шығару емес, Қазақстанның индустриализациясына да қосылып жатқан үлкен үлес.
Данияр Қайыртай
