Д.Мұқашбеков келесі паралимпиадаға қатысуға ниетті

Пара жеңіл атлет Дастан Мұқашбеков, 2028 жылы Лос-Анджелесте өтетін Паралимпиада ойындарына қатысуға ниетті. Бүгін Парижден елге оралған, ядро лақтырудан төрт жылдықтың басты бәсекесінде қола жүлдегер атанған пара спортшы осылай, деді. Оны елорда әуежайынан жақындары мен әріптестері күтіп алды.

Францияда еліміздің көк туын көтеріп қана қоймай ұлттық киімді насихаттаған Дастан Мұқашбеков, ұшақтан да шапанмен түсті. Пара спортшының айтуынша, мұны әлем чемпионатынан кейін дәстүрге айналдырған. Жеңіл атлеттің ендігі жоспары АҚШ-тағы Паралимпиадада топ жару.

Дастан Мұқашбеков, Париж паралимпиадасының қола жүлдегері:

Қазір міне келдік, бір аптадан кейін қайтадан бастаймыз дайындықты. Алдымызда Қазақстан чемпионаты болады бір айдан кейін. Соған бару керек. Көп-көп рақмет жақындарыма, туыстарыма, ата-анама, жұбайыма, балама, жаттықтырушыларма.