Жаңалықтарды Telegram арнамыздан оқыңыз!«Бірлік керуені» елорда төріне жетті. Бүгін ЭКСПО алаңында шараның салтанатты рәсімі өтті. Әр өңірдің қасиетті жерінен құйылған тіршілік нәрін тостағанға құйып жеткізді.
Дүниежүзілік көшпендер ойындарының басты нышаны осы - су. Ашылу салтанатында әр өңірдің батырлары өздері алып келген қасиетті суды бір қазанға құйып, елдің бірлігін, тұтастығын және өзара ынтымағын көрсетеді. Бүгін ЭКСПО алаңында өткен Бірлік керуенінде барша жиналғандарды Туризм және спорт министрі мен елорда әкімі құттықтап, дүбірлі доданың сәтті өтуін тіледі. Эстрада жұлдыздары ән шырқап, жиналған қауымға тамаша көңіл-күй сыйлады.
Гүлдана Бірлік, Шығыс Қазақстан облысының тұрғыны:
17 облыс, 3 қаладан келген әр өңірдің батырлары аймақтарынан торсықтарына су толтырып алып келеді. Сол рәсімді алып келген торсықтарымызды қазанға, Астана Аренада қазанға құятын боламыз.
