Алматы облысында аудан әкімі ұсталды

Алматы облысы, Іле ауданының әкімі ұсталды. Сыбайлас жемқорлыққа қарсы іс-қимыл агенттігінің мәліметінше, Бағдат Қарасаев лауазымдық өкілеттігін асыра пайдаланды және қызметтік өкілеттігін асырды деген күдікпен ұсталған. Іле ауданы облыс қана емес, республика аумағындағы ең ірі өнеркәсіпті аудан. Облыс көлемінде бюджетке салық түсімінің 56% осы ауданға тиесілі. Бағдат Қарасаев Іле ауданын 2018 жылдан бері басқарып келді. Оған дейін Алматы облысы әкімінің кеңесшісі, Талдықорған қаласы басшысы, облыс әкімі аппаратының бастығы сияқты лауазымдық қызметтерді атқарған.

Жазира Оразқызы