Сарапшы: Жаңа заң экономикаға серпіліс әкеледі

Қазақстандағы банктер экономикаға қаржы салуы керек.

Жолдауда Президент банктер туралы заңның шамамен 30 жыл бұрын қабылданғанын, сондықтан жаңа заң қабылдау қажеттігін қозғаған еді. Қазіргі уақыт талабына сай заңнаманың әзірленуін экономист Айбар Олжай да қолдап отыр. Сала сарапшысы ол кезде банктердің ішкі механизмдері мен талаптары да басқаша болды дейді. Экономистің пайымынша, сол кездегі енгізілген түрлі өзгерістер мен толықтырулар қазір кей мәселелерді шешуге қауқарсыз. Жолдауда айтылғандай, банк туралы заңды қайта жазып шыққан дұрыс. Өйткені қаржы нарығының жүйесін реттеу, экономиканы кредиттеу бойынша банктерге екі үлкен талап қойылды дейді қаржы маманы.

Айбар Олжай, экономист:

Біріншісі либерализациясы қаржы нарығына еніп жатқан ойыншыларға белгілі жеңілдіктер жасау, екіншісі салыққа қатысты норма, дивиденд көп шығарып жатқан банктерді белгілі бір шкаласын енгізу. Үшіншісі, банктердің экономикаға көбірек кредит беруіне мотивация беру. Осы үш негізгі идеология негізінде құрылады деп ойлаймын жаңа заң.

Айдана Қуантхан