Жаңалықтарды Telegram арнамыздан оқыңыз!Қостанай облысына жыл сайын екі мыңнан астам жұмысшы маман қажет. Әсіресе өңірде машина жасау саласының қарқынды дамуы техникалық мамандықтарға сұранысты арттырды. Мысалы бір ғана автозауытта биыл қосымша 250-300 жұмыс орны ашылмақ. Ауылшараушылық техникасын құрастырып, қосалқы бөлшектерін шығаратын оқшаулау орталығы да өндірісті кеңейтуді жоспарлап отыр. Сондықтан мемлекет басшысының техникалық және кәсіби білім беру жүйесін реформалап, еңбек адамының мәртебесін көтеру қажет деген ойы өндірістегі кадр мәселесін шешуге оң ықпал етеді дейді мамандар.
Динара Шөкіжанова, зауыт президенті:
Жолдауда мемлекет басшысы ел дамуының маңызды бағыттардың бірі инвестиция тартып, өнеркәсіпті өркендету екендігін атап өтті. Біз сол машина жасау өндірісін жергілікті жерде дамытуға ерекше маңыз беріп келеміз. Жақында Берлиннен оралдым. Ол жақта ірі әлемдік бренд саналатын дән сепкіш кешенін бізде шығару жөнінде келісімге келдік.
Дәуренбек Әбдібек
