Батыс Қазақстан «Қарызсыз қоғам» құрғысы келеді

Азаматтардың қаржылық сауатын арттыруға арналған «Қарызсыз қоғам» жобасы жалғасады. Президент «Amanat» партиясы ұсынған жобаның өміршеңдігі мен тиімділігін атап өтті. Қаржылық сауатсыздықтың кесірінен халық алаяқтардың құрығына түсіп қалып жатыр. Шамадан тыс көп несие алу да тұрмыстың тұралауына әкеп соғады. Бұл кеселдің алдын алу үшін білікті мамандар азаматтарға қаржы және экономика негіздерін үйретеді. Қарапайым цифрлық дағдыларды меңгертеді. Былтыр жобаға ел бойынша 65 мың адам қатысса, соның ішінде Батыс Қазақстанда да қаржылық сауаттылық дәрістері тұрақты өткізіліп келеді.

Азамат Сафимәлиев, «Amanat» партиясы БҚО филиалының атқарушы хатшысы:

«Amanat» партиясының ұсынысы бойынша бұл бағдарлама енгізіліп, ел бойынша жүріп жатыр. Біздің облысымызда былтыр «Қарызсыз қоғам» бойынша 9,5 мың адам оқыды. Биыл 5,5 мың адам осы жоба аясында білім алып шықты.

Ардақ Мұратқызы