Паралимпиада: Ғаббасовтар әулетінің қуанышы

Паралимпиада ойындарының күміс жүлдегері Еркін Ғаббасов жарыстан кейін бейнеқоңырау арқылы туған-туыстарымен байланысқа шығып, жеңіске жеткенін жеткізді.

Ел мерейін асқақтатқан спортшының анасы ұлының жеңісіне сенімді болғанын айтады. Өйткені оның қайсарлығы мен қажырлығы бала кезінен байқалған,-дейді ол. Еркіннің спортпен айналысып жүргеніне небәрі бірер жылдың жүзі болса да, ол осыған дейін де түрлі жарыстарда жеңіс тұғырынан көрінген. Ал бүгін ол ел тарихында пара оқ атудан алғашқы жүлдені еншіледі.

Күлтай Ғаббасова, анасы:

Естігенде жүрегім кішкене орнына тұрмай кетті. Ол кеткеннен бері ұйқы болған жоқ. Қуаныштың жасы болды менде. Одан балаларым жылап жатыр. Бәріміз қуанып жатырмыз ғой. Бір жағынан Қазақстан бойынша бүкіл қазақтың туын көтергеніне сонша толқыдым.