Жаңалықтарды Telegram арнамыздан оқыңыз!Ақтөбе облысында бір күнде тасқыннан зардап шеккен 117 отбасы баспаналы болды. Аудан орталығы - Қобдада жүз, Жарық ауылында 17 үйдің кілті табысталды. Бұл шара ауыл тұрғындары үшін үлкен мерекеге айналды. Баспаналарының аумағы 80 шаршы метр. Инженерлік желілер тартылған. Автономды жылытуға арналған санитарлық тораптары бар. Мемлекеттік қолдау мен меценаттардың көмегінің арқасында құрылыс жұмыстары қарқынды жүрді. Тасқыннан зардап шеккендер 4-5 ай бойы туыстарының үйінде тұрды және пәтер жалдап келді. Бұған дейін облыс тұрғындарына Ақтөбе қаласынан 106 пәтер және аудандардан 162 үй берілген. Жуырда осы Қобда ауданында тағы 30 үй тапсырылуы тиіс.
Фатима Суқұлова, Қобда ауылының тұрғыны:
Өткенге өкпе жоқ, алдағыдан үміт көп дейді. Міне, баспанамызды салып, енді үйіміздің кілтін беріп жатыр. Үйімізді барып қарап шықтық. Бәрі дұрыс, көңіліміз тоқ, жақсы, жайлы баспаналар. Дайын күйінде беріп жатыр ғой, одан артық не керек?
Жақсыбек Кемал
